Description

عبدالکریم عابد۔ ایک شخص، ایک عہد

عبدالکریم عابد کا نام دنیائے صحافت میں خاصا معتبر ہے۔ وہ پاکستان میں نظریاتی صحافت کے امین رہے تھے۔ ان کا شمار ایسے لوگوں میں ہوتا تھا، جنہوں نے ہندوستان اور پاکستان کی صحافت کا تجربہ حاصل کیا۔ ’’عبدالکریم عابد۔ ایک شخص، ایک عہد‘‘ بنیادی طور پر ان کی طویل صحافتی زندگی کے اہم پہلوؤں کو نمایاں کرتی ہے۔ اس کتاب میں عبدالکریم عابد کے سیاسی، صحافتی رفیقوں اور اہل خانہ کے خیالات و تاثرات کو جمع کیا گیا ہے۔ کتاب میں ان کے کچھ انٹرویو بھی شامل کیے گئے ہیں، جو ان کی طرزِ فکر کے ترجمان ہیں۔ وہ اپنی زندگی میں کوہستان ، انجام، مشرق، اخبارِ خواتین اور حریت سمیت تقریباً تمام بڑے اخبارات کے لیے کام کرتے رہے۔ یہ کتاب جہاں اُن کی صحافتی خدمات کو اجاگر کرتی ہے، وہیں ان کی زندگی کے ایسے پہلوؤں کو بھی سامنے لاتی ہے، جو آج کے نوجوان صحافی اور قاری کے لیے مشعل راہ ثابت ہو سکتے ہیں ۔