بلوچستان کا مسئلہ

Description

بلوچستان کا مسئلہ

بلوچ قوم پرستی کا ایک جائزہ

حالیہ برسوں میں’’مسئلۂ بلوچستان‘‘ نے اپنے سٹریٹجک محل وقوع کے باعث مغربی دنیاکی توجہ حاصل کرلی ہے۔اس ضمن میں صحافیوں اوردانشوروں سمیت متعدد افراد نے مختلف قسم کے مضامین تحریرکیے ہیں۔ انہوں نے زیادہ تر سپرطاقتوں کے درمیان مخالفت کے تناظرمیں اور بلوچستان کی قومی تحریک اور اس کی طرف سے خودارادیت کے مطالبے کو نظرانداز کرتے ہوئے بلوچستان کے مسئلے کاتحقیقی جائزہ لیا ہے۔ اس تحقیقی کتاب کا مقصد یہ ہے کہ بلوچ قوم پرستی اور 1948ء تک حق خودارادیت کے مطالبے کے تاریخی پس منظر کا تحقیقی جائزہ لیا جائے تاکہ یہ معلوم ہوسکے کہ بلوچ قوم پرستی کی ابتدا کیسے اور کب ہوئی۔

ایران، افغانستان اور برصغیر پاک وہندکے متعلق بہت سی کتب تصنیف کی گئی ہیں لیکن ان میں سے چندکتب ہی میں بلوچستان کے متعلق کچھ لکھاگیاہے۔ جہاں تک مصنف کاخیال ہے، ابھی تک بلوچستان کی سیاسی تاریخ کے موضوع پر کوئی ایسی واحد اورجامع تحقیق دستیاب نہیں جوبلوچستان مسئلے کی حقیقی تصویرپیش کرسکے۔ کتاب میں حوالوں کے علاوہ، اہم مختصر تحریریں بھی دی گئیں ہیں تاکہ ان کتاب میں مذکور نکات کی بخوبی وضاحت ہوسکے۔ اس ضمن میں چند مختصر خودنوشت سوانح عمریوں کے متعلق معلومات بھی فراہم کی گئی ہیں۔

بلوچستان کا مسئلہ، بلوچ قوم پرستی کا ایک جائزہ:  دنیا کے معروف دانشور عنایت اللہ بلوچ کی تصنیف کا اردو ترجمہ ہے۔ یہ کتاب اپنے موضوع کے حوالے سے دنیا بھر میں ایک مستند تحقیقی کتاب کے طور پر جانی جاتی ہے۔ عنایت اللہ بلوچ کی تحریریں اور خصوصاً یہ کتاب امریکہ، یورپ اور دنیا بھر میں بلوچستان پر حوالے کے طور پر پیش کی جاتی ہے۔

یہ کتاب بلوچ تاریخ ، بلوچ قومیت اور بلوچستان کے مسئلے پر معلومات اور حقائق کا خزینہ ہے۔ خطے کی سیاست، مشرقِ وسطیٰ کی سیاست، پاکستان کی سیاست و تاریخ اور بلوچستان کے مختلف مسائل کو سمجھنے میں معاون یہ کتاب ہمیں ایسے حقائق سے روشناس کرواتی ہے جو کسی بھی دوسری کتاب میں دستیاب نہیں۔