ظہیرالدین بابر

Description

ظہیرالدین بابر

تاریخ سلطنت مغلیہ

یہ کتاب ہیرالڈ لیمب کی تصنیف بابر دی ٹائگر فرسٹ آف دی گریٹ موگلس کا اردو ترجمہ ہے۔ برصغیر میں مغلیہ سلطنت کا بانی ظہیرالدین بابر غیر معمولی کردار کا حامل شخص تھا۔ایک شاعر، ادیب اور آزاد روح جس نے صرف سرزمین ہندوستان ہی نہیں بلکہ اس کے باسیوں کے دل بھی جیت لیے۔1483

ء میں وادئ فرغانہ کے شہر اندجان میں پیدا ہونے والے بابر کو مشرقِ وسطیٰ اور ہندوستان کے سب حکمرانوں میں کئی طرح سے ایک ممتاز مقام حاصل ہے۔ اس کے باپ کا تعلق خاندانِ تیموریہ سے تھا جب کہ ماں چنگیز خان کی اولاد میں سے تھی۔اپنے باپ کی وفات کے بعد جب بابر 11سال کی عمر میں فرغانہ کا حکمران بنا تو اسے کئی چیلنجز کا سامنا کرنا پڑا۔

کئی برسوں کی خانہ بدوشی اور جدوجہد کے بعد وہ کابل اور پھر بالآخر ہندوستان کی فتح میں کامیاب ہوا اور یہاں اس کی آل اولاد نے اگلی کم و بیش تین صدیوں تک حکومت کی۔ہیرالڈ لیم کی یہ کتاب ’’ظہیرالدین بابر‘‘ بابر کے حالاتِ زندگی اور جنگی مہموں پر روشنی ڈالتی ہے۔ کتاب میں جا بہ جا بابر کی اپنی تصنیف کردہ سوانح ’’تزکِ بابری‘‘ سے حوالے دئیے گئے ہیں۔