ذوالفقار علی بھٹو کا مقدمہ

Description

ذوالفقار علی بھٹو کا مقدمہ

سپریم کورٹ کا فیصلہ/پاکستان کی عدالتی تاریخ کا متنازعہ فیصلہ

محمد احمد خاں کے قتل کے مقدمے میں جناب ذوالفقار علی بھٹو نے لاہور ہائی کورٹ کے فیصلے کے خلاف سپریم کورٹ میں اپیل دائرکی تھی۔ اس پر سپریم کورٹ نے 6 فروری 1979ء کو ایک متنازع فیصلہ دیا  جس میں چار ججوں جسٹس انوار الحق جسٹس محمد اکرم جسٹس کرم الٰہی اور جسٹس نسیم حسن شاہ نے اپیل مسترد کرتے ہوئے بھٹو صاحب کی پھانسی کی سزا برقرار رکھی جب کہ باقی تین ججوں جسٹس صفدر شاہ، جسٹس درّاب پٹیل اور جسٹس حلیم نے ذوالفقار علی بھٹو کو باعزت طور پر بری کر دیا۔

چند سال قبل جسٹس نسیم حسن شاہ نے ایک انٹرویو میں اعتراف کیا کہ اس مقدمے کے فیصلے میں ان پر جنرل ضیا کی حکومت کا دباؤ تھا۔ زیر نظر کتاب عدالتی تاریخ میں کسی مقدمہ قتل کا طویل ترین فیصلہ ہے۔

قانون کے مطابق یہ فیصلہ انگریزی میں تھا جس کا اُردو ترجمہ ہفت روزہ ’’زندگی‘‘ نے 7 اپریل 1989ء کو شائع کیا۔ تاریخ اور وقت کی عدالت نے ذوالفقار علی بھٹو شہید کو پاکستان کا غیر متنازع لیڈر قرار دیا ہے، لہٰذا تاریخ کی درستی اور پاکستان میں قانون، عدالت، انصاف ، سیاست، حکمرانی اور عوامی حاکمیت کے ابواب کیسے رقم کیے گئے، یہ بتانے کے لیے اس متنازع فیصلے کے ترجمے کو دوبارہ شائع کیا گیا ہے ۔